- من روح ارز الرب سكبوا العطر، وتعطروا بشهقة هوا الوادي
وعا صدر لوحة ارز عمرها دهر، خطوا حروف النور اجدادي …
- ومن بعد ما حفروا الابجدية حفر، والبحر ناطر حلم وزوّاده،
من الارز شدو مركبن عالبحر، فتحوا الحضارة بصدق وشهادة،
وبالنصر نقلوا ارزهن لمصر والعلم زواده.
- وتضوي اوروبا بعلمهم، وبمصر الملوك تغفا بخشبة بلادي،
وفي صوت جايي من القدس وبقهر، عم ينده سليمان وينادي:
يا اهل فينيقيا عليي ندر الهيكل ما ببني من خشب عادي.
لعيونك … لعيونك وبكرا طلوع الفجر، من ارزنا الهيكل للعبادة…
- بكتابك الاسفار سفر وسفر، قديش كلمة ارز منعادي،
ومن وقتها بعدن غصونو خضر، لا ختير … ولا غيّر العادي.
- ولما علمنا انرسم خطين حمر، زرعوا بيناتهن ارزة،
تتبقى امانة برقبتي ورقبة ولادي ….
